15.12.2025 | 16:25
Ովքեր կարող են մինչև 10,000 դրամ հետվճար ստանալ անկանխիկ առևտրից
«Երկիր Մեդիան» հանրապետական եթերից զրկվեց, փոխարենը կհեռարձակվի FastSports-ը
15.09.2023 | 16:16
Այսօր՝ սեպտեմբերի 15-ին, Հեռուստատեսության և ռադիոյի հանձնաժողովը գումարել է նիս։ Օրակարգում եղել է հանրային մուլտիպլեքսում սլոթի օգտագործման լիցենզավորման հանրապետական սփռման մրցույթի մասնակիցների հայտերի վարկանիշային քվեարկության և հաղթողի ընտրության վերաբերյալ հարցը, հայտնում են ՀՌՀ-ից։
«Նիստի օրակարգի հաստատումից հետո Հանձնաժողովի անդամները գնահատել են հանրապետական սփռման մրցույթի մասնակիցներին: Վարկանիշային քվեարկության արդյունքում՝ մասնակցության համար հայտ ներկայացրած «ՀՈՒՍԱԲԵՐ» ՓԲ ընկերությունը ստացել է 51, իսկ «ՎԻՎԱՌՈ ՄԵԴԻԱ» ՍՊ ընկերությունը՝ 73 միավոր:
Այսպիսով, վարկանիշային քվեարկության միջոցով հանրային մուլտիպլեքսում սլոթի օգտագործման լիցենզավորման հանրապետական սփռման մրցույթի հաղթող է ճանաչվել «ՎԻՎԱՌՈ ՄԵԴԻԱ» ՍՊ ընկերությունը»,- ասված է հաղորդագրության մեջ:
Այսպիսով՝ «Երկիր Մեդիա» հեռուստաալիքն այլևս հանրապետական սփռում չի ունենա, փոխարենը եթեր կհեռարձակվի FastSports մարզական հեռուստաալիքը։
