25.02.2026 | 21:42
Ադրբեջանի կառավարական աղբյուրները պնդում են, թե Վաշինգտոնում Ալիևի դեմ բողոքի ցույցերի հետևում կանգնած է Ռուսաստանը
Լիբիայում ջրհեղեղի հետևանքով մարդկային կորուստների թիվը գերազանցել է 11 հազարը
Քաղաքականություն
15.09.2023 | 16:28
Լիբիայում ջրհեղեղի հետևանքով զոհերի թիվը գերազանցել է 11,300-ը։ Euronews-ի փոխանցմամբ՝ այս մասին հայտնում է Կարմիր մահիկը։
Այս թվերը, ամենայն հավանականության, վերջնական չեն։ Դերնա քաղաքի շուրջ 1/4-ը հեղեղվել է և ավերվել, քաղաքապետը, ելնելով ավերված շենքերի քանակից, ենթադրել է, որ աղետի զոհ կարող է դարձած լինել 20 հազար մարդ։
ՄԱԿ-ը դիմել է միջազգային հանրությանը՝ տուժած շրջանների բնակչությանն օգնելու համար:
«Ես չեմ կարող հաստատել վերջնական թվերը, բայց մասշտաբներն իսկապես հսկայական են: Եվ ես վախենում եմ, որ մենք մեծ թվեր կլսենք, գուցե նույնիսկ ավելի մեծ, քան արդեն հաստատվածը»,- ասել է ՄԱԿ-ում Լիբիայի մշտական ներկայացուցիչ Էլ-Սոննի Թահերը:
Զոհերի թվում միայն լիբիացիներ չեն. տեղի իշխանությունների տվյալներով՝ ողբերգության վայրում հայտնաբերվել են Եգիպտոսից և Սուդանից ժամանած տասնյակ միգրանտների դիեր։
Լիբիայում ջրհեղեղի պատճառ է դարձել «Դանիել» ցիկլոնը։ Սեպտեմբերի 10-ին հորդառատ անձրևներն ու փոթորիկն ավերել են երկու ամբարտակ, ինչի հետևանքով ամբողջական շրջաններ հայտնվել են ջրի տակ, հոսանքը հազարավոր մարդկանց քշել է Միջերկրական ծով։
