08.10.2026 | 12:51
ՌԴ երկաթուղու ղեկավարը մյուս շաբաթ կժամանի Հայաստան, քննարկում ենք ունենալու. Փաշինյան․ ՏԵՍԱՆՅՈՒԹ
Նեթանյահուի և Էրդողանի սպասված հանդիպումը տեղի կունենա հաջորդ շաբաթ՝ ՄԱԿ-ի Գլխավոր վեհաժողովի շրջանակում
Քաղաքականություն
14.09.2023 | 21:23
Իսրայելի վարչապետ Բենիամին Նեթանյահուն Թուրքիայի նախագահ Ռեջեփ Թայիփ Էրդողանին կհանդիպի ՄԱԿ-ի Գլխավոր վեհաժողովի շրջանակում։ Այս մասին The Times of Israel-ին հայտնել են իսրայելական աղբյուրները։
Երկու երկրների ղեկավարների հանդիպման կոնկրետ օրը չի նշվում։ Հայտնի է, որ Նեթանյահուն Նյու Յորք է ժամանելու հաջորդ երեքշաբթի։
Իսրայելում Թուրքիայի դեսպանատունը հրաժարվել է լրատվամիջոցին մեկնաբանություն տալ տեղեկության հետ կապված։
Հիշեցնենք, որ Նեթանյահուն պետք է Թուրքիա այցելեր հուլիսին, սակայն այցը հետաձգել էր առողջական խնդիրների պատճառով։ Սա կարող էր լինել Իսրայելի վարչապետի առաջին այցը 2008 թվականի Էհուդ Օլմերթից հետո՝ այն ֆոնին, որ երկու երկրները փորձում են կարգավորել հարաբերությունները։
Թեև Նեթանյահուն վերսկսել է իր ճամփորդությունները, ըստ դիվանագիտական աղբյուրների՝ Էրդողանի գրասենյակը դեռևս չի առաջարկել այցի նոր ժամկետ։
Նյու Յորքում հաջորդ շաբաթ Նեթանյահուն հանդիպելու է աշխարհի մի շարք այլ երկրների առաջնորդների հետ, այդ թվում՝ ԱՄՆ նախագահ Ջո Բայդենի և Ուկրաինայի առաջնորդ Վլադիմիր Զելենսկիի։
Էմմա Չոբանյան
