24.05.2026 | 01:30
«SOAD-ը Երևանու՞մ». Սերժ Թանկյանը հայտարարել է՝ հուլիսին համերգ չի լինի
Սումգայիթում ռադիոակտիվ վտանգավոր նյութ է հայտնաբերվել
Քաղաքականություն
14.09.2023 | 16:36
Ադրբեջանի Սումգայիթ քաղաքում Նորարարության և թվային զարգացման գործակալության (AIDT) կողմից անցկացված ճառագայթային փորձարկումների ընթացքում հայտնաբերվել է վտանգավոր ռադիոակտիվ նյութ՝ ցեզիում-137, հայտնում են ադրբեջանական լրատվամիջոցները։
Նշվում է, որ գործակալության միջուկային հետազոտությունների բաժնի կողմից իրականացված միջուկային փորձարկումների ընթացքում Սումգայիթ քաղաքում հայտնաբերվել է անոմալ ճառագայթման մակարդակ ունեցող տարածք։
Արտակարգ իրավիճակների նախարարության միջուկային և ճառագայթային գործունեության կարգավորման պետական գործակալությունը ներգրավել է նաև միջուկային հետազոտությունների բաժնի մասնագետներին՝ ուսումնասիրելու քաղաքի մերձակայքում գտնվող արդյունաբերական գոտում ճառագայթային հնարավոր վտանգ ունեցող տարածքների ռադիոլոգիական իրավիճակը:
Մասնագետները պետական այլ համապատասխան գերատեսչությունների աշխատակիցների հետ իրականացրել են համապատասխան չափումներ՝ գնահատելու ռադիոլոգիական իրավիճակը, ինչպես նաև միջուկային ճառագայթային փորձարկումներ՝ տարածքում ճառագայթային վտանգի բարձրացման գոտին որոշելու համար։ Հետազոտության արդյունքում էլ հայտնաբերվել է վտանգավոր ռադիոակտիվ ցեզիում-137 նյութը։
Էմմա Չոբանյան
