30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
Շվեդիայում հակաթուրքական ակցիա է անցկացվել․ այրել են Էրդողանի խրտվիլակը․ ԼՈՒՍԱՆԿԱՐՆԵՐ
Քաղաքականություն
14.09.2023 | 15:48
Շվեդիայում հակաթուրքական հերթական ակցիան է տեղեի ունեցել։ Թուրքական լրատվամիջոցները հայտնում են, որ Շվեդիայում Քուրդիստանի աշխատավորական կուսակցության (PKK) կողմնակիցները ցույց են կազմակերպել՝ ուղղված Թուրքիայի և նրա նախագահ Ռեջեփ Թայիփ Էրդողանի դեմ։ Նշենք, որ PKK-ն Թուրքիայում համարվում է ահաբեկչական կազմակերպություն։
Շվեդիայի խորհրդարանի նստաշրջանի բացման առիթով ցուցարարները հավաքվել են Ստոկհոլմի սրտում: Համացանցում շրջանառվող տեսանյութերում պատկերված են ցուցարարները, որոնք կրում են PKK-ի պաստառներ, այդ թվում՝ խմբավորման առաջնորդ Աբդուլլահ Օջալանի պատկերով: Նշվում է, որ «սադրիչ գործողությամբ ցույցի ժամանակ այրվել է Էրդողանի նմանվող խրտվիլակը»։
Այս ակցիան կարող է կրկին բարդացնել Շվեդիայի՝ ՆԱՏՕ-ին անդամության գործընթացը։ Էրդողանն ավելի վաղ հայտնել էր, որ շվեդական հայտի վավերացման հարցը Թուրքիայի խորհրդարանը կարող է քննարկել հոկտեմբերին՝ արձակուրդից վերադառնալուց հետո։
Թուրքիան և Հունգարիան միակ երկրներն են, որ դեռևս չեն վավերացրել Շվեդիայի՝ ՆԱՏՕ-ին անդամակցության հայտը։
Էմմա Չոբանյան
