19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
«Հիմնված է հակաթուրքական շրջանակների ապատեղեկատվության վրա»․ Անկարան դատապարտել է Թուրքիայի վերաբերյալ Եվրախորհրդարանի զեկույցը
Քաղաքականություն
14.09.2023 | 14:28
Անկարան դատապարտել է նախօրեին Եվրախորհրդարանի կողմից ընդունված Թուրքիայի վերաբերյալ 2022 թվականի զեկույցը։
«Զեկույցը հիմնված է հակաթուրքական շրջանակների տարածած ապատեղեկատվության վրա և լի է անարդար մեղադրանքներով ու նախապաշարմունքներով։ Դա նաև արտացոլում է Եվրախորհրդարանի շարունակական մակերեսային և անհեռատես մոտեցումը՝ ինչպես մեր երկրի հետ հարաբերությունների, այնպես էլ ԵՄ ապագայի նկատմամբ»,- ասվում է Թուրքիայի ԱԳՆ-ի հայտարարության մեջ։
Նշվում է, որ Եվրախորհրդարանի պատգամավորները «մնում են պոպուլիստական քաղաքականության գերին և հեռու են ճիշտ ռազմավարական մոտեցում մշակելուց՝ ինչպես ԵՄ-ի, այնպես էլ տարածաշրջանի նկատմամբ»: Ըստ Թուրքիայի ԱԳՆ-ի՝ «նման ժամանակահատվածում, երբ հնարավորությունների պատուհան է բացվել Թուրքիայի և ԵՄ-ի միջև հարաբերությունները վերականգնելու համար», անհիմն են համարում, որ Եվրախորհրդարանը նման քայլեր է ձեռնարկում՝ անդամակցության շուրջ բանակցությունների փոխարեն։
Հավելենք, որ ԵԽ զեկույցում անդրադարձ կա նաև Հայաստան-Թուրքիա հարաբերություններին։ Եվրախորհրդարանը «սատարում է Հայաստանի և Թուրքիայի միջև հարաբերությունների կարգավորումը՝ ի շահ հաշտեցման, տարածաշրջանային կայունության և անվտանգության, խրախուսում է Թուրքիային՝ ճանաչել Հայոց ցեղասպանությունը՝ ճանապարհ հարթելու թուրք և հայ ժողովուրդների միջև իրական հաշտեցման համար»: Նշվում է նաև Թուրքիայի կողմից հայկական մշակութային ժառանգությունը պաշտպանելու իր պարտավորությունները լիովին հարգելու մասին։
Էմմա Չոբանյան
