08.10.2026 | 11:11
Արծրուն Մարգարյանի և Վահրամ Խորխոռունու սպանությունների գործերով բացահայտումներ են եղել․ Փաշինյան
Բուլղարիայում ՆԱՏՕ-ի առաջին բազան կկառուցվի
Քաղաքականություն
14.09.2023 | 15:15
Բուլղարիայում շուտով կսկսվի ՆԱՏՕ-ի ռազմաբազայի շինարարությունը։ Այն կներառի զորանոցներ և ռազմական սարքավորումների պահեստարաններ։ Բացի այդ, դրա շուրջ նոր ճանապարհներ կկառուցվեն։ Այս մասին հայտնել է Բուլղարիայի պաշտպանության նախարար Թոդոր Տագարևը, գրում է Korrespondent-ը։
Նշվում է, որ Բուլղարիայում ՆԱՏՕ-ի առաջին բազայի կառուցման արժեքը 51 մլն եվրո է։
Տագարևն ընդգծել է, որ Բուլղարիան ֆինանսապես կմիանա նախագծին, և հույս հայտնել, որ այն տնտեսապես շահավետ կլինի։
«Պաշտպանության նախարարությունը բյուջետային ռեսուրսներ ունի նախագիծը զարգացնելու համար, Բուլղարիան նաև հնարավորություններ ունի տարածաշրջանի տնտեսական և սոցիալական զարգացման համար նման ենթակառուցվածքների կառուցման ժամանակ»,- նշել է պաշտոնյան։
ՆԱՏՕ-ի նոր բազան կտեղակայվի երկրի հարավ-արևելքում գտնվող Յամբոլ շրջանում։ Դրա շինարարությունը պետք է ավարտվի մինչև 2025 թվականը։ Բազայի սպաների հիմնական մասը կուղարկվի Իտալիայից։
«ՆԱՏՕ-ի նոր բազայում տեղակայված մարտական խումբը պաշտպանական գործառույթներ կիրականացնի հնարավոր ագրեսորի սպառնալիքի դեպքում»,- պարզաբանել է Տագարևը։
Հիշեցնենք նաև, որ ՆԱՏՕ-ն պատրաստվում է անցկացնել իր ամենամեծ զորավարժությունը Սառը պատերազմից ի վեր, որին կմասնակցեն 32 երկրներ, այդ թվում՝ դեռևս դաշինքի անդամ չհանդիսացող Շվեդիան։
