07.09.2026 | 18:33
Վճռաբեկը հրապարակեց որոշումը․ Կաթողիկոսի և 6 եպիսկոպոսների գործը կրկին ուղարկվեց Արմավիրի մարզի ընդհանուր իրավասության դատարան
Նախագահի նստավայրի տարածքում սիրողական աստղադիտում է կազմակերպվել
Հասարակություն
17.07.2018 | 22:29
Հանրապետության նախագահի նստավայրի տարածքում այսօր երեկոյան «Գուդրայք Ջոն» աստղասերների ՀԿ-ի կողմից կազմակերպվել է սիրողական աստղադիտում՝ մի խումբ երեխաների, այդ թվում՝ հաշմանդամ երեխաների համար. տեղեկացնում է ՀՀ նախագահի աշխատակազմի լրատվական ծառայությունը:
Նման նախաձեռնությամբ ՀՀ նախագահի աշխատակազմին դիմել էր «Գուդրայք Ջոն» կազմակերպությունը, որը աստղադիտումներ եւ բաց դասեր է կազմակերպում՝ նպատակ ունենալով զարգացնել սիրողական աստղագիտությունն ու հետաքրքրություն արթնացնել այս գիտության նկատմամբ: Նախագահի աշխատակազմն ընդառաջել էր կազմակերպության խնդրանքին՝ հնարավորություն ընձեռելով միջոցառումն անցկացնել նստավայրի տարածքում:
Աստղադիտման մասնակիցներին ընթացքում միացել է նաեւ նախագահ Արմեն Սարգսյանը, զրուցել երեխաների եւ կազմակերպիչների հետ, կարեւորել երեխաների մեջ մանուկ հասակից գիտության նկատմամբ հետաքրքրության սերմանումը:
