16.03.2026 | 22:53
Ղրիմում փլուզվել է 15-րդ դարի հայկական եկեղեցին, որտեղ պսակադրվել է Հովհաննես Այվազովսկին. ՏԵՍԱՆՅՈՒԹ
Կոմպրոմիս չեմ պատկերացնում․ Փաշինյանը՝ վրացական համարներով մեքենաների մասին․ ՏԵՍԱՆՅՈՒԹ
13.09.2023 | 17:44
Վրացական համարանիշներով ավտոմեքենաների խնդիրը կարգավորող ՊԵԿ-ի նախաձեռնությունն իր մեջ պարունակում է բավականին լուրջ հիմնախնդիր: Այս մասին այսօր ԱԺ-Կառավարություն հարցուպատասխանի ժամանակ նշեց ՔՊ պատգամավոր Շիրակ Թորոսյանը:
Պատգամավորը հիշեցրեց, որ 2011-ից ՀՀ-ում արգելվեց ՀՀ քաղաքացիների կողմից վրացական համարանիշներով վտոմեքենաների օգտագործումը.
«Հետո անհասկանալի պայմաններում 2015-ին սողանցք ստեղծվեց, որով ինչ-ինչ ապահովագրական հիմքով մարդիկ կարողանում էին վրացական համարանիշներով մեքենաներ բերել:Հիմա փորձում են կարգավորել. Ընդ որում կարգավորումը հետևյալ կերպ է, որ ավտոմեքենայի մաքսազերծման գնի չափով մարդը պետք է գումար սառեցնի, որ իրավունք ունենա Հայաստանում օգտագործել այդ մեքենան: Երբեմն այդ գումարն ավելի մեծ է լինում, քան բուն մեքենայի գինը և սա խնդիր է: Էլ չեմ ասում երկքաղաքացիների մասին, որոնք իրվունք ունեն այս կամ այն երկրի մեքենայով երթևեկելու»,-ասաց պատգամավորը՝ հավելելով, որ արդեն Հայաստանում վրացական համարանիշներով մեքենա ունեցողների համար պետք է այլ որոշում կայացվի, և ընդհանրապես արգելվի մյուսների համար վրացական պետհամարանիշներով մեքենաների Հայաստան ներկրումն ու օգտագործումը:
Ի պատասխան՝ վարչապետ Նիկոլ Փաշինյանը նշեց. «Հայաստանում օտարերկրյա պետհամարանիշով ավտոմեքենաներ օգտագործելու ժամկետներ և կարգեր կան: Մենք գիտենք, որ այդտեղ խոսքը ոչ թե վրացական համարանիշներով ավտոմեքենաներ ունենալու մասին է, այլ ՀՀ-ի նկատմամբ ունեցած հարկային պարտավորությունները չկատարելու մասին: Որևէ պատճառաբանությամբ ՀՀ-ի նկատմամբ հարկային և մաքսային պարտավորությունները չկատարելը մեզ համար անընդունելի է:
Եթե մարդիկ դա օգտագործում են որպես հարկերից խուսափելու միջոց, միանշանակ ամենակոշտ ձևով այդ հարցը պետք է կասեցվի»:
«Հայաստանի նկատմամբ հարկային ու մաքսային պարտավորություններ կատարել-չկատարելու վերաբերյալ ես որևէ կոմպրոմիս չեմ պատկերացնում: Եթե մենք գնանք կոմպրոմիսների, նշանակում է անընդհատ գնալու ենք կոմպրոմիսների: Դա նշանակում է, որ մենք ասում ենք՝ մենք այդքան էլ պետություն չենք: Ես համաձայն չեմ այդ դիրքորոշման հետ»,- ընդգծեց վարչապետը։
Մանրամասները՝ տեսանյութում։
