15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Եթե խնդիրները գոյություն ունեն, նշանակում է՝ ռուս խաղաղապահները ձախողել են իրենց առաքելությունը․ Նիկոլ Փաշինյան
Քաղաքականություն
13.09.2023 | 18:17
ՀՀ վարչապետ Նիկոլ Փաշինյանը Politico-ին տված հարցազրույցում անդրադարձել է տարածաշրջանում անվտանգային իրավիճակին։
«Անվտանգության իրավիճակը կտրուկ փոխվել է՝ շփման գծի խախտումներով և Լեռնային Ղարաբաղի տարածք ներխուժմամբ»,- ասել է Փաշինյանը՝ Բաքվին մեղադրելով Արցախում մարդասիրական ճգնաժամ ստեղծելու և Լաչինի միջանցքը փակելու մեջ։
«Այս ամենը պետք է լիներ ռուս խաղաղապահների պատասխանատվության տակ, և եթե խնդիրները գոյություն ունեն, նշանակում է՝ խաղաղապահները ձախողել են իրենց առաքելությունը»,- ասել է ՀՀ վարչապետը՝ այդուհանդերձ ընդգծելով․ «Չեմ կարող ասել, սակայն, եթե ռուս խաղաղապահները չլինեին Լեռնային Ղարաբաղում, այժմ իրավիճակն ավելի լավ կլիներ»:
Խոսելով սահմանին լարվածության աճից ու Ադրբեջանի կողմից զինուժի կուտակումներից՝ Փաշինյանն ասել է, որ «էսկալացիայի սցենարը հնարավոր չէ բացառել», և նշել, որ «մոբիլիզացված ուժերը պետք է վերադառնան իրենց բազաները»։ Նա նաև պնդել է, որ «Հայաստանը պատրաստ է դա անել»։
Փաշինյանը վերահաստատել է իր հավատարմությունը ԱՄՆ-ի, ԵՄ-ի և Ռուսաստանի միջնորդությամբ անցկացվող բանակցություններին։
«Եթե մենք ուզում ենք ունենալ հարատև, հավերժ պետականություն, առաջին հերթին պետք է շատ լուրջ քայլեր ձեռնարկենք և շատ լուրջ ջանքեր ներդնենք մեր հարևանների հետ հարաբերությունները կարգավորելու համար»,- հայտարարել է ՀՀ վարչապետը։
Էմմա Չոբանյան
