06.04.2026 | 23:30
Հրդեհ Թաիրով բնակավայրում. այրվել է ավտոմեքենա
Մենք ուզում ենք ունենալ ինքնիշխան երկիր, բայց չպետք է հայտնվենք Արևմուտքի ու Արևելքի, Հյուսիսի և Հարավի բախումների կենտրոնում․ Նիկոլ Փաշինյան
Քաղաքականություն
13.09.2023 | 18:44
ՀՀ վարչապետ Նիկոլ Փաշինյանը Politico Europe-ին տված հարցազրույցում հայտարարել է, որ «Ուկրաինայում տեղի ունեցող իրադարձությունների արդյունքում տարածաշրջանում փոխվել են Ռուսաստանի հնարավորությունները»։
Նա ընդունել է, որ Մոսկվան ձգտում է խուսափել Ադրբեջանին և նրա մերձավոր դաշնակից Թուրքիային օտարացնելուց, որոնք Կրեմլի համար ռազմավարական նշանակություն են ունեցել ուկրաինական պատերազմի մեկնարկից ի վեր։
«Մեր ռազմավարությունը պետք է լինի՝ փորձել այս իրավիճակում առավելագույնս նվազեցնել մեր կախվածությունը ուրիշներից։ Մենք ուզում ենք ունենալ անկախ երկիր, ինքնիշխան երկիր, բայց պետք է ճանապարհներ ունենանք, որպեսզի չհայտնվենք Արևմուտքի և Արևելքի, Հյուսիսի և Հարավի բախումների կենտրոնում։ Չի կարող լինել դեպք, երբ Հայաստանը դառնա «պրոքսի». դա անընդունելի է»,- ասել է Նիկոլ Փաշինյանը։
Նա հավելել է, որ մոդելը, որով «Հայաստանը խնդիրներ ունի հարևանների հետ, և պետք է հրավիրի ուրիշներին՝ պաշտպանելու իրեն, կարևոր չէ՝ ովքեր են նրանք, շատ խոցելի մոդել է»։
Էմմա Չոբանյան
