23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Բայրամովը հայտարարել է, որ Երևանի հետ խաղաղության պայմանագրի շուրջ բանակցություններում լճացում է
Քաղաքականություն
13.09.2023 | 16:58
Ադրբեջանի ԱԳ նախարար Ջեյհուն Բայրամովը հայտարարել է, թե Հայաստանի և Ադրբեջանի միջև խաղաղության պայմանագրի կնքման շուրջ բանակցությունները ներկայում փակուղում են, իբր, «Հայաստանի սադրանքների պատճառով», գրում է ՌԻԱ Նովոստին։
«Ցավոք, այս պահին մենք տեսնում ենք լճացում Հայաստանի և Ադրբեջանի միջև խաղաղության համաձայնագրի կնքման գործընթացում։ Իսկ դրա պատճառը Հայաստանի Հանրապետության, ինչպես նաև «խամաճիկ» ռեժիմի ներկայացուցիչների (խոսքն Արցախի մասին է – խմբ․) խիստ սադրիչ հայտարարություններն ու գործողություններն են Ադրբեջանի տարածքում»,- ասել է Բայրամովը ՄԱԿ-ում հավատարմագրված լրագրողների հետ ճեպազրույցում։
Որպես, այսպես կոչված, «սադրանքի» օրինակ՝ ադրբեջանական դիվանագիտության ղեկավարը բերել է սեպտեմբերի 9-ին Արցախում կազմակերպված ընտրությունները, ինչպես նաև Հայաստանի վարչապետ Նիկոլ Փաշինյանի շնորհավորանքը Ղարաբաղի անկախության հռչակման 32-րդ տարեդարձի կապակցությամբ։
