30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
Պուտինը ժամանել է «Վոստոչնի» տիեզերակայան, որտեղ կհանդիպի Կիմ Չեն Ընի հետ
Քաղաքականություն
13.09.2023 | 11:33
Ռուսաստանի նախագահ Վլադիմիր Պուտինը մեկնել է «Վոստոչնի» տիեզերակայան, որտեղ նախատեսվում է հանդիպել Հյուսիսային Կորեայի առաջնորդ Կիմ Չեն Ընի հետ և քննարկել ռուսական բանակի համար զինամթերքի մատակարարումը, գրում է BBC-ի ռուսական ծառայությունը։
«Ակնկալվում է, որ ԿԺԴՀ-ի առաջնորդ Կիմ Չեն Ընը առաջիկայում կժամանի «Վոստոչնի» տիեզերակայան։ Կայանի երկաթուղային կայարանում նախապատրաստական աշխատանքներ են տարվում»,- գրում է «Ինտերֆաքս» գործակալությունը։
«Ինտերֆաքս»-ի փոխանցմամբ՝ Կիմին կցուցադրեն «Անգարա» հրթիռի հավաքման գործընթացը և «Սոյուզ-2» արձակման համալիրը, ապա բանակցություններ կլինեն։ Բանակցությունների բովանդակության մասին կողմերը ոչինչ չեն հայտնել։
ԱՄՆ-ը կարծում է, որ Պուտինն ու Կիմը մտադիր են քննարկել, առաջին հերթին, Հյուսիսային Կորեայից Ուկրաինայում կռվող ռուսական բանակին զինամթերք մատակարարելու հարցը։ Ի պատասխան, ամերիկացիների կարծիքով, Կիմը ցանկանում է պարենային օգնություն և որոշ ռազմական տեխնոլոգիաներ ստանալ Ռուսաստանից։
