24.07.2026 | 22:59
Միջազգային քրեական դատարանի անդամ երկրները կողմ են քվեարկել գլխավոր դատախազ Քարիմ Խանի պաշտոնանկությանը
Մի քանի պատգամավորներ իմիտացիոն ելույթներ են ունենում, իսկ հիմա դատարկություն է․ Արթուր Հովհաննիսյան․ ՏԵՍԱՆՅՈՒԹ
Քաղաքականություն
12.09.2023 | 18:09
Մի քանի պատգամավորներ իմիտացիոն ելույթներ են ունենում, իսկ հիմա դատարկություն է․ ասաց Արթուր Հովհաննիսյանը։
Տեսեք պատկերը՝ դատարկ աթոռներ՝ առավոտից երեկո․ մի քանի պատգամավորներ իմիտացիոն ելույթներ են ունենում, իսկ հիմա դատարկություն է․ ԱԺ հայտարարությունների ժամին անդրադառնալով ընդդիմադիր պատգամավորների՝ ԱԺ դահլիճից բացակայելու փաստին՝ այս մասին նշեց «Քաղաքացիական պայմանագիր» խմբակցության պատգամավոր Արթուր Հովհաննիսյանը։
«Հիմա, երբ որ կա քաղաքական բանավեճի, հարցեր տալու ժամանակ, պատասխաններ մենք տեսնում ենք դատարկություն։ Ինչպես իմ գործընկերները նշեցին, երբեմն բեկորներ լինում են, բայց հիմա այդ բեկորներն էլ հեռացան դահլիճից»։
Պատգամավորը նշեց, որ ուշադրություն է հրավիրում այս հանգամանքի վրա՝ Երևանի ավագանու ընտրությունների համատեքստում․ «Այստեղ էլ ունենք նույնանման իրավիճակ, երբ որ առաջադրվել են քաղաքական կուսակցություններ, առաջին համարներում դրել են քիչ թե շատ հայտնի դեմքերի, հետո արդեն ցուցակում չենք գտնի մեկ հոգու, ով որ երբևէ զբաղվել է քաղաքային խնդիրներով կամ ծրագրային դրույթներով որևէ բան է առաջարկում»։
Մանրամասները՝ տեսանյութում։
