20.06.2026 | 16:30
Վիճաբանություն Սիսավան փողոցում. 4 անձ հիվանդանոց է տեղափոխվել, 1-ը՝ ձերբակալվել
ՌԴ-ն հույս ունի, որ Աղդամի երթուղուն զուգահեռ՝ կապաշրջափակվի նաև Լաչինի միջանցքը․ Զախարովա
Քաղաքականություն
12.09.2023 | 17:44
Մոսկվան հետևողական քայլեր է ձեռնարկում Լեռնային Ղարաբաղում հումանիտար բարդ իրավիճակի կարգավորման համար։ Այս մասին ասվում է ՌԴ ԱԳՆ պաշտոնական ներկայացուցիչ Մարիա Զախարովայի՝ Լեռնային Ղարաբաղի բնակչությանը ուղղված ռուսական մարդասիրական օգնության առնչությամբ, փոխանցում է ՏԱՍՍ-ը։
«Ռուսական կողմը հետևողական քայլեր է ձեռնարկում Լեռնային Ղարաբաղում ստեղծված բարդ հումանիտար իրավիճակի կարգավորման ուղղությամբ։ Հուսով ենք, որ այս կերպ Լեռնային Ղարաբաղում հումանիտար իրավիճակը կկայունանա և տեղի բնակչության բնականոն կենսագործունեությունը կվերականգնվի։ Սա իր հերթին պայմաններ կստեղծի Բաքվի և Ստեփանակերտի միջև երկխոսություն սկսելու և հայ-ադրբեջանական հարաբերությունների կարգավորման համար՝ 2020-2022 թվականների ամենաբարձր մակարդակով եռակողմ համաձայնությունների ամբողջ համալիրի իրականացման ուղղությամբ ռիթմիկ աշխատանքի վերսկսման նպատակով»,- ասվում է հայտարարության մեջ։
Զախարովան նաև Լաչինի միջանցքի ապաշրջափակման հույս է հայտնել։
«Ակնկալում ենք, որ հաշվի առնելով նախկինում ձեռք բերված փոխըմբռնումը՝ մոտ ապագայում, Աղդամի երթուղուն զուգահեռ, կապաշրջափակվի նաև Լաչինի միջանցքը, որից հետո երկու ուղղություններով էլ կանոնավոր կերպով հումանիտար օգնություն կմատակարարվի տարածաշրջան»,- ասվում է հայտարարության մեջ։
Ռուսաստանցի դիվանագետը նաև հավելել է, որ Արցախին 15 տոննա հումանիտար օգնություն է մատակարարվել։
Էմմա Չոբանյան
