Քաղաքականություն
12.09.2023 | 13:05
ՌԴ նախագահ Վլադիմիր Պուտինն ասել է, որ կապի մեջ է Հայաստանի վարչապետ Նիկոլ Փաշինյանի հետ, շփման խնդիրներ չկան, հայտնում է ՌԻԱ Նովոստին։
«Նա ինձ մանրամասն նամակ է ուղարկել, մենք կապի մեջ ենք, խնդիրներ չունենք Հայաստանի և վարչապետ Փաշինյանի հետ»,- ասել է Պուտինը Արևելյան տնտեսական ֆորումի լիագումար նիստում ունեցած ելույթում։
Անդրադառնալով Հայաստանի և ԱՄՆ-ի համագործակցությանը՝ Պուտինը նշել է, որ «այստեղ որևէ շրջադարձ» չկա։
Նշենք, որ VIII Արևելյան տնտեսական ֆորումն անցկացվում է սեպտեմբերի 10-13-ը Վլադիվոստոկում՝ Հեռավոր Արևելքի դաշնային համալսարանում:
