06.06.2026 | 13:05
Հայտնի է Հայաստանի հավաքականի հայտացուցակը Ղազախստանի դեմ խաղում․ ԼՈՒՍԱՆԿԱՐ
ԱՄՆ-ում հարգել են սեպտեմբերի 11-ի ահաբեկչության զոհերի հիշատակը
Քաղաքականություն
12.09.2023 | 14:05
ԱՄՆ-ում հարգանքի տուրք են մատուցել 2001 թվականի սեպտեմբերի 11-ի ահաբեկչության զոհերի հիշատակին։ Նախագահ Ջո Բայդենը զրուցել է Ալյասկայի Էլմենդորֆ-Ռիչարդսոն ռազմաօդային բազայի զորքերի զինվորականների հետ, որտեղ նրա ինքնաթիռը կանգ է առել Վիետնամից Վաշինգտոն ճանապարհին: Բայդենն ամերիկացիներին միասնության կոչ է արել, գրում է Euronews-ը։
«Եկեք հարգենք սեպտեմբերի 11-ի զոհերի հիշատակը՝ վերականգնելով միմյանց հանդեպ հավատը: Եկեք հիշենք, թե ովքեր ենք մենք որպես ազգ: Մենք երբեք չենք մոռանում, չենք վախենում, մենք դիմանում ենք, մենք հաղթահարում ենք»,- հայտարարել է Բայդենը:
ԱՄՆ առաջին տիկին Ջիլ Բայդենը ծաղկեպսակ է դրել Պենտագոնի հարավ-արևմուտքում գտնվող հուշահամալիրում։
Փոխնախագահ Քամալա Հարիսը և այլ պաշտոնյաներ միացել են զոհերի ընտանիքներին և հարգանքի տուրք են մատուցել Նյու Յորքում սեպտեմբերի 11-ի հուշահամալիրում:
