30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
«ՌԴ-ն պետք է ձեռնպահ մնա տարածաշրջանի երկրների անվտանգության միջոցառումների մասին դասախոսություններից»․ ԱՄՆ Պետդեպ
Քաղաքականություն
12.09.2023 | 11:15
ԱՄՆ Պետքարտուղարության խոսնակ Մեթյու Միլլերը նախօրեին ճեպազրույցում անդրադարձել է Հայաստանում մեկնարկած հայ-ամերիկյան զորավարժություններին։ Նա պատասխանել է հարցին՝ արդյո՞ք դրանք միտված են կանխելու Ադրբեջանի հնարավոր հարձակումը։
«Ամենևին ոչ։Մենք կանոնավոր կերպով մարզվում և գործում ենք մեր գործընկերների կողքին՝ պատրաստականությամբ, և մենք շարունակաբար բարելավում ենք մեր զինված ուժերի փոխգործունակությունը: Հայաստանը Միացյալ Նահանգների երկարամյա գործընկերն է և 2003 թվականից ի վեր կայուն հարաբերություններ ունի Կանզասի ազգային գվարդիայի հետ՝ որպես Պաշտպանության նախարարության Պետական գործընկերության ծրագրի մի մաս։ Սա սովորական զորավարժություն է, որը ոչ մի կերպ կապված չէ որևէ այլ իրադարձությունների հետ»,-ասել է Միլլերը։
Պետդեպի խոսնակը նաև անդրադարձել է զորավարժություններին ՌԴ արձագանքին։
«Ես կարծում եմ, որ հաշվի առնելով, որ Ռուսաստանը վերջին տարիներին ներխուժել է իր երկու հարևան երկրներ, պետք է ձեռնպահ մնա տարածաշրջանի երկրների անվտանգության միջոցառումների մասին դասախոսություններից»։
Հիշեցնենք, որ նախօրեին «Զառ» ուսումնական կենտրոնում ազդարարվել է «Արծիվ գործընկեր-2023» հայ-ամերիկյան զորավարժության մեկնարկը, որոնք տևելու են մինչև սեպետմբերի 20-ը։
