Հայկ Մարությանն ինձ մոտ է եկել և խնդրել աջակցություն՝ քաղաքապետ դառնալու համար. Փաշինյան

Երևանի ավագանու ընտրություններում կան ուժեր, որոնք ակնհայտորեն հույս ունեն, որ Երևանի ավագանու ընտրությունների համատեքստում Հայաստանում հնարավոր կլինի անկայունություն մտցնել, կամ ճգնաժամ մտցնել: Այս մասին Հանրային հեռուստաընկերությանը տված հարցազրույցում նշեց ՀՀ վարչապետ Նիկոլ Փաշինյանը:

«Ցավոք, դա նաև երևում է ընտրություններին մասնակցող մի շարք ուժերի շեշտադրումներից և նպատակադրումներից»,-ասաց նա:
Անդրադառնալով դիտարկմանը, որ այդ ուժերը քաղաքական դաշտը բաժանում են երեք մասի՝ արևմտամետներ, ռուսամետներ և մի հոգի էլ՝ Հայկ Մարությանը, հայտարարում է, որ իշխանությունը շեղվել է հեղափոխության գծից, Փաշինյանն ասաց. «Դա ինձ համար տարօրինակ պնդում և հայտարարություն է , որովհետև ես Հայկ Մարությանից երբեք չեմ լսել, որ մենք շեղվել ենք հեղափոխության ճանապարհից:

Նույն Հայկ Մարությանը քաղաքապետի պաշտոնը լքելուց հետո հայտնվել է բեմահարթակի վրա և բեմահարթակից հենց նման հայտարարություններ է արել: Բայց ես կարծում եմ, որ Հայկ Մարությանը իր բեմական կարիերայում առաջին անգամ է, որ քաղաքական ժանրի հումոր է անում և դրա բովանդակությունը չի համաձայնեցնում այդ հումորի օբյեկտների և հերոսների հետ: Սա վկայում է այն մասին, որ Հայաստանը հեղափոխական արժեքներից չի շեղվել, այլապես ինչպես նախկինում մեր գործընկերները բեմերից հումոր անելուց նախապես թույլտվութուն կստանային իշխանությունից, օլիգարխներից և մյուսներից»:

Փաշինյանը հակադարձեց Մարությանի այն պնդումներին, որ դեռ կոռուպցիա կա, և ինքը երկու տարի կաբինետներում զգուշացրել է իշխանություններին դրա մասին, ասաց, որ դա բացարձակապես չի համապատասխանում իրականությանը, քանի որ իր հետ նման խոսակցություն երբեք տեղի չի ունեցել:

«Նա ինձ մոտ է եկել և ինձնից է խնդրել աջակցություն Երևանի քաղաքապետի ընտրություններում թեկնածու դառնալու համար և այդ աջակցությունը ստացել է ինձնից՝ պատրաստակամություն հայտնելով ՔՊ կուսակցության անդամ դառնալու և հավաստիացնելու, որ ինքը գալիս է այս թիմը ուժեղացնելու: Բայց մինչև օրս ես իրենից որևէ բացատրություն չեմ լսել, որ մենք հեղափոխության արժեքներից շեղվել ենք: Դա բացարձակապես չի համապաստխանում իրականությանը»,- նշեց Փաշինյանը։:

Մանրամասները՝ տեսանյութում։