25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Գերմանիան 2 մլն եվրո է հատկացնում ԿԽՄԿ-ին Արցախում գործունեության համար
Քաղաքականություն
11.09.2023 | 18:18
Գերմանիան 2 մլն եվրո է հատկացնում Կարմիր Խաչի միջազգային կոմիտեին՝ Արցախում ստեղծված հումանիտար ճգնաժամը մեղմելու համար։
«Լեռնային Ղարաբաղում հումանիտար իրավիճակը շատ լարված է, ուստի Գերմանիան ԿԽՄԿ-ին տրամադրում է հավելյալ 2 մլն եվրո՝ տարածաշրջանում կյանքեր փրկելու իր աշխատանքի համար։ Կարևոր է, որ օգնությունը հասնի հիմա, այդ իսկ պատճառով մենք ձգտում ենք բացել մարդասիրական հասանելիությունը»,- ասվում է Գերմանիայի խաղաղության և մարդասիրական գործողության՝ X-ի էջում գրառման մեջ։
Հավելենք, որ օրերս ՀՀ վարչապետ Նիկոլ Փաշինյանը հեռախոսազրույց էր ունեցել Գերմանիայի կանցլեր Օլաֆ Շոլցի հետ՝ քննարկելով նաև Արցախում հումանիտար ճգնաժամը։
Ավելի վաղ էլ Գերմանիայի ԱԳ նախարարը մտահոգություն էր հայտնել Արցախում հումանիտար վատթար իրավիճակի առնչությամբ։
«Այնտեղ մարդկանց վիճակն աղետալի է։ Մենք շտապ կոչով դիմում ենք Ադրբեջանին և Ռուսաստանին. Լեռնային Ղարաբաղի ժողովուրդը վերջապես պետք է ստանա այն, ինչ անհրաժեշտ է կյանքի համար: Լաչինի միջանցքը պետք է բաց լինի մարդասիրական օգնության համար»,- հայտարարել էր Անալենա Բերբոքը։
Էմմա Չոբանյան
