13.01.2025 | 23:21
Հասմիկ Տոլմաջյանը նշանակվել է Շվեյցարիայում ՀՀ դեսպան
ՆԱՏՕ-ի երկրները պատրաստվում են Սառը պատերազմից ի վեր ամենամեծ զորավարժություններն անցկացնել
Քաղաքականություն
11.09.2023 | 16:35
ՆԱՏՕ-ն պատրաստվում է հաջորդ տարի անցկացնել Սառը պատերազմից ի վեր ամենախոշոր համատեղ զորավարժությունները։ Այս մասին գրում է Financial Times-ը, որին վկայակոչում է BBC-ի ռուսական ծառայությունը։
Նշվում է, որ «Հաստատակամ պաշտպան» զորավարժությունները տեղի են ունենալու 2024 թվականի գարնանը Գերմանիայում, Լեհաստանում և Բալթյան երկրներում։ Սա ՆԱՏՕ-ի նոր ուսումնական ռազմավարության մի մասն է, որի համաձայն՝ ռազմական դաշինքը տարին երկու անգամ խոշոր զորավարժություններ է անցկացնում:
Զորավարժությունները ներառելու են 500-700 մարտական թռիչքներ և ավելի քան 50 նավերի մանևրներ։ Ավելի քան 40,000 զինծառայողներ մշակելու են դաշինքի անդամներից մեկի դեմ ռուսական ագրեսիան հետ մղելու սցենարը։ Զորավարժությունների համար պայմանական թշնամին մոդելավորվել է Ռուսաստանի գլխավորած կոալիցիայի օրինակով։ Բացի այդ, ըստ լրատվամիջոցի՝ օգտագործվելու են իրական աշխարհագրական տվյալներ զորքերի համար ավելի իրատեսական սցենարներ ստեղծելու նպատակով:
Զորավարժություններին մասնակցելու է նաև Շվեդիան, թեև ՆԱՏՕ-ին անդանակցելու Ստոկհոլմի հայտը դեռ չի վավերացվել Թուրքիայի և Հունգարիայի կողմից։
ՆԱՏՕ-ի ներկայացուցիչների կարծիքով՝ զորավարժությունները, ի թիվս այլ բաների, պետք է Մոսկվային ցույց տան, որ դաշինքը պատրաստ է պայքարի։
Էմմա Չոբանյան
