06.06.2026 | 17:50
Ընտրական հանցագործությունների գործերով ձերբակալվել է 194, քրեական հետապնդման ենթարկվել՝ 209 անձ. ՀԿԿ
Բրազիլիայի նախագահը հետ է կանչել երաշխիքները, որ երկիր այցելելու դեպքում Պուտինը չի ձերբակալվի
Քաղաքականություն
11.09.2023 | 15:11
Բրազիլիայի նախագահ Լուլա դա Սիլվան հրաժարվել է իր անձնական հավաստիացումներից այն մասին, որ ՌԴ նախագահ Վլադիմիր Պուտինը չի կալանավորվի Միջազգային քրեական դատարանի որոշմամբ, եթե մասնակցի Ռիո դե Ժանեյրոյում G20-ի գագաթնաժողովին, գրում է BBC-ի ռուսական ծառայությունը։
Թեև Բրազիլիան ընդունում է Միջազգային Քրեական դատարանի իրավասությունը, նախագահ Լուլա դա Սիլվան շաբաթավերջին հնդկական Firstpost-ին տված հարցազրույցում անսպասելիորեն ասել էր․ «Եթե ես լինեմ Բրազիլիայի նախագա, և նա՝ Պուտինը գա Բրազիլիա, նրան որևէ դեպքում չեն կալանավորի»։
Սակայն հիմա նրա դիրքորոշումը փոխվել է։
«Ես չգիտեմ՝ արդյո՞ք բրազիլական արդարադատությունը նրան կձերբակալի։ Որոշում է դատական համակարգը, ոչ թե կառավարությունը»,- հայտարարել է Բրազիլիայի նախագահը։
Հավելենք, որ այս տարվա մարտին, երբ ՄՔԴ-ն Պուտինին կալանավորելու հրաման է արձակել՝ ուկրաինացի երեխաների բռնի տեղահանման մեղադրանքով, ՌԴ նախագահը չի լքել երկիրը։ Մասնավորապես, նա բաց է թողել այս տարվա G20-ի գագաթնաժողովը Հնդկաստանի մայրաքաղաք Նյու Դելիում (Հնդկաստանը ՄՔԴ անդամ չէ)։
Էմմա Չոբանյան
