16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Գոհ եմ իմ թիմից․ Պետրակովի գնահատականը՝ Հայաստան-Խորվաթիա խաղից առաջ
10.09.2023 | 21:18
Խորվաթիայի հետ խաղում մարտավարական առումով մեծ փոփոխություններ չեն լինի, միայն թիմի ավագ Վարազդատ Հարոյանը կբացակայի։ Այս մասին Խորվաթիայի դեմ առաջիկա հանդիպման նախաղախային ասուլիսում ասել է Հայաստանի հավաքականի գլխավոր մարզիչ Ալեքսանդր Պետրակովը։
«Այժմ աշխատում ենք հավաքականի վերականգնման վրա։ Վաղվա մեր հաղթանակի գրավականը կարող է լինել մեր նվիրումը, ինչ-որ առումով բախտի գործոնը, և այն, որ խաղում ենք տանը, մեր երկրպագուների համար, Երևանում»,- նշեց Պետրակովը:
«Ինձ դուր է գալիս, թե հավաքականն այսօր ինչպես է մոտենում յուրաքանչյուր խաղին և ինչպես է կատարում իր աշխատանքը: Ես գոհ եմ իմ թիմից, իմ ֆուտբոլիստների խաղից և աշխատանքի նկատմամբ նրանց մոտեցումից»,- ասաց Պետրակովը։
Հիշեցնենք, որ սեպտեմբերի 11-ին, ժամը 20:00-ին Հայաստանի հավաքականը Վազգեն Սարգսյանի անվան «Հանրապետական» ստադիոնում կընդունի Խորվաթիայի թիմին։
