07.09.2026 | 19:32
Առողջության համընդհանուր ապահովագրության հիմնադրամի գլխավոր տնօրենի պաշտոնի համար կանցկացվի նոր մրցույթ
Ձերբակալություններ Թուրքիայի զինված ուժերում
Քաղաքականություն
17.07.2018 | 15:41
Թուրքիայի զինված ուժերից բերման են ենթարկվել մի շարք զինվորականներ, որոնք կասկածվում են Թուրքիայում ահաբեկչական համարվող գյուլենական համայնքի հետ կապեր ունենալու մեջ։ Նրանց մի մասն արդեն կալանավորվել է. տեղեկացնում է ermenihaber-ը:
Իզմիրի հանրապետական դատախազության ցուցումով Իզմիր նահանգում գործողություն է իրականացվել, որի ընթացքում բերման է ենթարկվել, ապա՝ կալանավորվել 57 զինվորական։ Դրանց թվում կան նաև ռազմական օդաչուներ։
Զինվորականների դեմ օպերացիաներ են իրականացվել նաև Թուրքիայի Սիվաս, Անկարա, Սամսուն, Յոզգաթ, Սիիրթ և Քըրըքքալե նահանգներում։
Նույն մեղադրանքով ևս 9 զինվորական է բերման ենթարկվել Թուրքիայի Էսքիշեհիր նահանգում։ Նրանց նկատմամբ նույնպես առայժմ չկա կալանավորման որոշում։
Հիշեցնենք, որ գյուլենական համայնքի առաջնորդն ամերիկաբնակ միլիարդատեր, իսլամի քարոզիչ Ֆեթթուլլահ Գյուլենն է, ում Թուրքիայի իշխանությունները մեղադրում են 2016թ. հուլիսի 15-ի ռազմական հեղաշրջման փորձը նախաձեռնելու մեջ։ Թուրքիան պահանջում, որ ԱՄՆ-ն իրենց արտահանձնի Գյուլենին, սակայն մինչ օրս դա տեղի չի ունեցել։
