07.10.2026 | 17:17
Ռուբիոն հայտարարել է, որ Իրանը «լիովին կորցրել է վերահսկողությունը» Հորմուզի նեղուցի նկատմամբ
ԵՄ-ն կարծում է՝ Ղարաբաղի հայերի համար կարևոր է համախմբվել դե ֆակտո ղեկավարության շուրջ, որն ուզում է Բաքվի հետ քննարկումներ տանել
09.09.2023 | 17:28
Եվրոպական միության Արտաքին գործերի և անվտանգության քաղաքականության խոսնակ Նաբիլա Մասրալին հայտարարություն է տարածել՝ այսօր Արցախի ԱԺ-ում կայացած նախագահական ընտրության վերաբերյալ։
«Հաշվի առնելով 2023 թվականի սեպտեմբերի 9-ին այսպես կոչված «նախագահական ընտրությունները» Խանքենդիում/Ստեփանակերտում Եվրամիությունը կրկնում է, որ չի ճանաչում սահմանադրական և իրավական շրջանակը, որի շրջանակներում դրանք անցկացվել են։ Միևնույն ժամանակ, ԵՄ-ն կարծում է, որ Ղարաբաղի հայերի համար կարևոր է համախմբվել դե ֆակտո ղեկավարության շուրջ, որն ի վիճակի է և ցանկանում է մասնակցել Բաքվի հետ արդյունքների վրա հիմնված քննարկումներին: ԵՄ-ն հանձնառու է աջակցել այս գործընթացին»,- հայտարարում է Եվրամիությունը:
Հիշեցնենք՝ Սամվել Շահրամանյանն ընտրվել է Արցախի Հանրապետության նախագահ։ ԱԺ նիստին մասնակցող 23 պատգամավորներից 22-ը քվեարկել են նրա օգտին։
