Թուրքիայի Էսքիշեհիր քաղաքի մարզադաշտում ավարտվեց Եվրո 2024-ի առաջնության որակավորման փուլի Թուրքիա-Հայաստան հանդիպումը։ Առաջին խաղակեսի ընթացքում թիմերից որևէ մեկին չէր հաջողվել հաջողության հասնել։ Երկրորդ խաղակեսի հենց մեկնարկում Հայաստանի հավաքականը բացեց հաշիվը․ աչքի ընկավ Արտակ Դաշյանը։ Երկրորդ խաղակեսի վերջնամասում թուրքերին հաջողվեց հավասարեցնել հաշիվը։
Այս հավաքականների առաջին հանդիպումը Երևանում ավարտվել էր Թուրքիայի ընտրանու հաղթանակով 1-2 հաշվով։ 4 խաղից հետո Հայաստանի հավաքական ունի 7 միավոր։
