24.11.2024 | 16:07
1 մլրդ դրամ՝ Երևանի ու մարզերի թատրոնների, համերգային դահլիճների, նվագախմբերի համար գույք, տեխնիկա գնելու համար․ ՏԵՍԱՆՅՈՒԹ
Պուտինը միջուկային զենքով է վախեցնելու. Զելենսկի
Քաղաքականություն
08.09.2023 | 21:53
Արդեն ձմռանը Ռուսաստանի նախագահ Վլադիմիր Պուտինն աշխարհին կվախեցնի միջուկային զենքի կիրառմամբ։ Այս մասին սեպտեմբերի 8-ին Կիևում Յալթայի եվրոպական ռազմավարության տարեկան հանդիպման բացման ժամանակ հայտարարել է Ուկրաինայի նախագահ Վլադիմիր Զելենսկին, փոխանցում է Korrespondent-ը։
«Իմ կարծիքով՝ Պուտինին մնում է մեկ քայլ՝ վախեցնել աշխարհին միջուկային զենքով։ Նա կվախեցնի ամբողջ Արևմուտքին, ոչ թե Ուկրաինային, թեև առաջին հերթին տուժում են Ուկրաինան և ուկրաինացիները, բայց նա կվախեցնի։ Նա գտել է արևմտյան գործընկերների միասնության այս փխրուն կետը»,- ասել է նա։
Զելենսկին կարծում է, որ Պուտինը «ճնշելու է Արևմուտքին և, առաջին հերթին, Միացյալ Նահանգներին, քանի որ այն նույնպես կլինի փխրուն ժամանակաշրջանում, քանի որ ընտրությունների ժամանակաշրջան է»։
«Եվ ես կցանկանայի ուշադրություն հրավիրել դրա վրա: Պետք է, որ նախագահ Բայդենը չկասկածի, որ խաղաղությունն ավելի ուժեղ է, քան ցանկացած զենք: Անհրաժեշտ է, որ որոշ ավելի հավասարակշռող պետություններ հասկանան, որ մենք ունենք նույն բարոյական արժեքները, թեև ունենք տարբեր թշնամիներ, ինչպես, օրինակ, Իսրայելը։ Միջուկային զենքով ահաբեկում է լինելու: Ես կարծում եմ, որ մենք պարզապես պետք է անցնենք այս ժամանակը, կլինի այնպես, ինչպես այս ձմեռը, կլինի «բլեքաութների» փորձ՝ միջուկային զենքով վախեցնելու հետ մեկտեղ, քանի որ Պուտինն ագրեսիայի որևէ փաստարկներ չունի»,- ամփոփել է երկրի ղեկավարը։
