21.01.2026 | 23:30
Ինչ իրավիճակ է Հայաստանի ճանապարհներին և Լարսում
Երեխան ապօրինի զրկվել էր ազատությունից․ Տիգրան Աթանեսյանն ահազանգում է՝ իրավապահներն անգործության են մատնված․ ՏԵՍԱՆՅՈՒԹ
Հասարակություն
17.07.2018 | 15:11
Երեխաների առևանգման դեպքերը վերջին շրջանում ավելացել են և անհետացած երեխաներին հայտնաբերելու ուղղությամբ մեր իրավապահները որևէ գործողություն չեն իրականացնում։
Այս մասին այսօր հրավիրված մամուլի ասուլիսի ժամանակ ասաց փաստաբան Տիգրան Աթանեսյանը՝ նշելով, որ պատկան կառույցները ևս անտարբերություն են ցուցաբերում այս հարցում։ Փաստաբանը, որպես ասվածի օրինակ բերեց երեխայի առևանգման մի դեպք, երբ ծնողները երեխային գտել էին Չարենցավան քաղաքում։
«Առևանգված երեխան պահվում էր մի բնակարանում, երեխան ապօրինի զրկվել էր ազատությունից։ Երեխայի առևանգման մասին հաղորդում էր ներկայացվել, անցել էր ժամանակ, սակայն ապարդյուն, անցել էին նաև բոլոր դատավարական ժամկետները, դատախազությունը խուլ էր, ոչ մի բան չէր անում, ընդամենը թուղթ էր լրացնում, իսկ մեղավորները հայտնի էին, պարզ էր, թե ովքեր են առևանգել երեխային։ Այսինքն, մեզանում գործում է մի կանխավարկած, որ ընտանեկան վեճ է և դա կանցնի կգնա»,- ներկայացերց փաստաբանը:
Տիգրան Աթանեսյանը նշեց, որ այս դեպքը ցույց է տալիս, որ մենք գործ ունենք պետական մարմինների՝ պատասխանատվությունից խուսափելու, մարդու իրավունքները խախտման հետ, ուստի այս հարցով Գլխավոր դատախազին բողոքել են, պահանջել ընթացք տալ դատական պրոցեսին, և եթե նրանց կողմից ևս քայլեր չձեռնարկվեն, կդիմեն միջազգային ատյաններին։
Մանրամասները՝ տեսանյութում։
