30.05.2026 | 19:40
«Լիվերպուլը» մնաց առանց գլխավոր մարզիչի
Վրաստանն ակնկալում է այս տարի ստանալ ԵՄ անդամի թեկնածուի կարգավիճակ․ Ղարիբաշվիլի
Քաղաքականություն
08.09.2023 | 20:10
Վրաստանն ակնկալում է այս տարի ստանալ Եվրամիության անդամի թեկնածուի կարգավիճակ։ Այս մասին հայտարարել է Վրաստանի վարչապետ Իրակլի Ղարիբաշվիլին ԵՄ բարձր ներկայացուցիչ Ժոզեպ Բորելի հետ հանդիպումից հետո, փոխանցում է Գրուզիա օնլայնը։
«Ես արդյունավետ հանդիպում ունեցա ԵՄ բարձր ներկայացուցիչ Ժոզեպ Բորելի հետ։ Մենք քննարկել ենք Վրաստանի ձեռքբերումները եվրաինտեգրման ճանապարհին և մեր առաջընթացը 12 առաջնահերթությունների իրականացման առումով։ Ի պատասխան մեր նշանակալի առաջընթացի՝ մենք ակնկալում ենք այս տարի ստանալ ԵՄ անդամի թեկնածու երկրի կարգավիճակ: Վրաստանը Եվրոպա է»,- նշել է Ղարիբաշվիլին։
Ավելի վաղ Բորելի հետ տեղի ունեցած մամլո ասուլիսի ժամանակ Ղարիբաշվիլին հայտարարել էր․ «Շնորհակալություն Ժոզեպ Բորելին գալու համար: Սա հստակ ազդանշան է, որ Եվրամիությունն աջակցում է Վրաստանին և վրաց ժողովրդին։ Մենք դա շատ ենք գնահատում»։
