07.10.2026 | 16:00
2-րդ դասարանի աշակերտուհուն ծեծելու դեպքով ուսուցչուհուն ձերբակալելու որոշում է կայացվել
Կրիվոյ Ռոգում փրկարարներն ավարտել են իրենց աշխատանքը. վիրավորների թիվը հասել է 54-ի
Քաղաքականություն
08.09.2023 | 18:19
Ուկրաինայի Կրիվոյ Ռոգ քաղաքում ՌԴ օդային հարձակման հետևանքով վիրավորների թիվը հասել է 54-ի։ Այս մասին հայտնել է Ուկրաինայի ՆԳ նախարար Կլիմենկոն, փոխանցում է BBC-ի ռուսական ծառայությունը։
«Կրիվոյ Ռոգում ավարտվել են որոնողափրկարարական աշխատանքները։ Ժամը 13:30-ի դրությամբ՝ հայտնի է 55 տուժածի մասին՝ մեկ զոհ և 54 վիրավոր։ Վիրավորների թվում կա 9 ոստիկան»,- ասել է Ուկրաինայի ՆԳ նախարար Կլիմենկոն։
«Իրավիճակն ամրապնդելու համար հարևան մարզերից քաղաք են ժամանել ոստիկանական լրացուցիչ խմբեր։ Հրթիռակոծության վայրի մոտ տեղադրվել են վրաններ, որտեղ մասնագետները հոգեբանական օգնություն են ցուցաբերում տուժածներին։ Բացի այդ, ականատեսներից ցուցմունքներ ստանալու շարժական կետեր են տեղակայվել»,- հավելել է նախարարը։
Հիշեցնենք, որ ռուսական զորքերն այսօր առավոտյան հրթիռային հարվածներ են հասցրել Կրիվոյ Ռոգին, Սումիին և Զապորոժիեին: Սումիում հրթիռը հարվածել է առանձնատան, որն ամբողջությամբ ավերվել է։ Զապորոժիեի վրա հարձակման հետևանքով ոչնչացվել են քաղաքացիական ենթակառուցվածքային օբյեկտներ, վիրավորվել է մեկ մարդ, պայթյունի էպիկենտրոնի մոտ գտնվող 30 բնակելի բարձրահարկ շենքերի և մի քանի ուսումնական հաստատությունների ապակիներ են կոտրվել։
