15.09.2026 | 20:21
Քննարկվել են ՀՀ զինված ուժերի և Կանզասի ազգային գվարդիայի միջև գործընկերությանն առնչվող հարցեր
Եգիպտական Red Sea Airlines-ը դադարեցրել է թռիչքները դեպի Ռուսաստան
Քաղաքականություն
08.09.2023 | 18:55
Եգիպտական Red Sea Airlines ավիաընկերությունը ծանուցել է օդային տրանսպորտի դաշնային գործակալությանը սեպտեմբերի 8-ից 17-ը դեպի Մոսկվա թռիչքները դադարեցնելու մասին։ Փոխադրողը չվերթների դադարեցումը պարզաբանել է որպես գործառնական անհրաժեշտություն։ Այս մասին հայտնել է ՌԴ օդային տրանսպորտի դաշնային գործակալության մամուլի ծառայությունը, գրում է Կոմերսանտը։
Գործակալությունը հավելել է, որ իրենք Intourist զբոսաշրջային օպերատորի, սպասարկող Delta Service ընկերության և ռուսական ավիաընկերությունների հետ միասին կքննարկեն թռիչքների դադարեցման հետ կապված իրավիճակը, ինչպես նաև ենթադրյալ զբոսաշրջիկների փոխադրման կազմակերպումն ընկերության թռիչքներով։
Օդային տրանսպորտի դաշնային գործակալությունը հավելել է, որ Red Sea Airlines-ը պատրաստ է հետաձգել ուղևորների մեկնումը Մոսկվայից ավելի ուշ կամ փոխհատուցել տոմսի ամբողջ արժեքը։
Սեպտեմբերի 6-ին MSK1-ը հայտնել էր, որ Red Sea Airlines ավիաընկերության ուղևորները մեկ օրից ավելի չեն կարողացել Շերեմետևոյից Շարմ էլ-Շեյխ թռչել: Ուղևորներին հղումով պորտալը գրել էր, որ թռիչքը չորս անգամ հետաձգվել է։ Երեկ՝ սեպտեմբերի 7-ին, օդային տրանսպորտի դաշնային գործակալությունը հատուկ հսկողություն է վերցրել Red Sea Airlines ավիաընկերության չվերթների մեկնման հարցում։ Կարգավորողը պարզաբանել է նաև, որ թռիչքը հետաձգվել է օդանավի անսարքության պատճառով։ Նույն օրը ռուսաստանցի զբոսաշրջիկները կարողացել են թռչել Եգիպտոս։
