15.09.2026 | 23:14
Հայաստանի մի շարք հասցեներում էլեկտրաէներգիայի անջատումներ կլինեն
Ուկրաինական քաղաքները կրկին հրթիռակոծվել են․ Կրիվոյ Ռոգում վիրավորների թիվը հասել է 32-ի
Քաղաքականություն
08.09.2023 | 13:33
Ուկրաինական Կրիվոյ Ռոգում վարչական շենքի ուղղությամբ հրթիռի արձակման հետևանքով զոհվել է մեկ, վիրավորվել՝ 32 մարդ։ Այս մասին հայտնել է Դնեպրոպետրովսկի շրջանային ռազմական վարչակազմի ղեկավար Սերգեյ Լիսակը։ Ավելի վաղ հաղորդվել էր 9 զոհի մասին, գրում է BBC-ի ռուսական ծառայությունը։
«Հրթիռը հարվածել է վարչակազմի շենքին։ Նախնական տեղեկություններով՝ կա մեկ զոհ և ինը վիրավոր։ Երեքը դուրս են բերվել փլատակների տակից»,- Telegram-ում հայտնել էր շրջանի ղեկավարը՝ հրապարակելով լուսանկար։
Ուկրաինայի ներքին գործերի նախարար Իգոր Կլիմենկոն իր հերթին Telegram-ում հայտնել է, որ Կրիվոյ Ռոգում մահացածը ոստիկան է։
«Փլատակների տակից դուրս են բերվել Արտակարգ իրավիճակների պետական ծառայության ևս երեք փրկարարներ: Նրանք ծանր վիճակում են։ Վեց աշխատակից ստացել է տարբեր ծանրության վնասվածքներ: Փրկարարները մարում են 200 քմ մակերեսով տարածքում բռնկված հրդեհը»,- ասվում է հաղորդագրության մեջ։
Ավելի վաղ Ուկրաինայի Գլխավոր դատախազությունը հայտնել էր, որ ռուս զինվորականները հրթիռային հարված են հասցրել և խոցել վարչական շենքը, ինչի հետևանքով կա մեկ զոհ և 26 վիրավոր։ Պայթյունի ալիքը և հրթիռի բեկորները կոտրել են մոտակա բարձրահարկ շենքերի պատուհանները, ասվում է հաղորդագրության մեջ։
Հրթիռակոծվել են նաև Սումին ու Զապորոժիեն։ Սումիում հրթիռը հարվածել է առանձնատան, որն ամբողջությամբ ավերվել է։ Զապորոժիեի վրա հարձակման հետևանքով ոչնչացվել են քաղաքացիական ենթակառուցվածքային օբյեկտներ, վիրավորվել է մեկ մարդ, պայթյունի էպիկենտրոնի մոտ գտնվող 30 բնակելի բարձրահարկ շենքերի և մի քանի ուսումնական հաստատությունների ապակիներ են կոտրվել։
