02.11.2024 | 17:34
ՀՀ առողջապահության և էկոնոմիկայի նախարարները քննարկել են Հայաստանում առողջապահական զբոսաշրջության զարգացման միտումները
Ուկրաինայի ԶՈւ-ն ճեղքել է ՌԴ պաշտպանությունն ու առաջ է շարժվում․ Ստոլտենբերգ
Քաղաքականություն
08.09.2023 | 11:51
ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ Ուկրաինայի զինված ուժերը կարողացել են ճեղքել ռուսական պաշտպանությունը և առաջընթաց են գրանցում հակահարձակման մեջ, գրում է DW-ի ռուսական ծառայությունը։
«Ուկրաինացիներն աստիճանաբար հետ են գրավում դիրքերը, և դա ապացուցում է մեր աջակցության կարևորությունը, ինչպես նաև մեր կարողությունն ու պատրաստակամությունը՝ շարունակելու այդ աջակցությունը»,- ասել է Ստոլտենբերգը Եվրախորհրդարանում։
«Դրանք ծանր մարտեր են, դժվար մարտեր, բայց նրանք կարողացան ճեղքել ռուսական զորքերի պաշտպանական գիծը և առաջ են շարժվում»,- հավելել է ՆԱՏՕ-ի գլխավոր քարտուղարը։
Ուկրաինայի վերջին հաջողությունները «զգալի» են և նրա ուժերին «իրատեսական հնարավորություն» են տալիս՝ 40-50 տոկոս, մինչև տարեվերջ ճեղքել ռուսական բոլոր պաշտպանական գծերը, ասել է Պաշտպանության հետախուզական գործակալության տնօրեն Թրենթ Մաուլը The Economist-ին տված հարցազրույցում։
Միաժամանակ, նա զգուշացրել է, որ սահմանափակ զինամթերքը և եղանակի վատթարացումը շատ կբարդացնեն առաջադրանքը։ Ըստ Մաուլի՝ եթե նույնիսկ այս տարի ուկրաինական զինված ուժերը չկարողանան բեկման հասնել, բայց կարողանան ընդլայնել Զապորոժիեի շրջանի Ռաբոտինոյի շուրջ դիրքային տարածքը, պահեն դիրքերը և ապահովեն զինամթերքի ներհոսք, ապա Ուկրաինան կունենա բոլոր հնարավորությունները 2024 թվականին նոր բեկման համար։
