Քաղաքականություն
07.09.2023 | 16:05
Լաչինի միջանցքում տեղադրված ապօրինի անցակետից օգոստոսի 28-ին առևանգված արցախցի երեք երիտասարդներին, ըստ տղաներից մեկի հոր` Ջամբուլ Հովսեփյանի, այսօր պետք Հակարիի կամրջից տեղափոխեն Հայաստանի Հանրապետություն։ Ջամբուլ Հովսեփյանը Factor TV-ի հետ զրույցում ասաց, որ որդին իր հետ դեռ կապ չի հաստատել։
Հիշեցնենք` օգոստոսի 28-ին ժամը 13:00-ի սահմաներում Ալեն Նելսոնի Սարգսյանը, Վահե Հովսեփյանը և Լևոն Գրիգորյանն Արցախից Հայաստան գալիս առևանգվել էին ադրբեջանցիների կողմից` ռուս խաղաղապահների և Կարմիր խաչի աշխատակիցների ներկայությամբ։
Նրանց տեղափոխել էին Բաքու և կալանավորել 10 օրով` Ադրբեջանի դրոշն անարգելու մեղադրանքով։ Ադրբեջանի դատախազությունը հայտարարել էր, որ նրանց նկատմամբ կիրառվել է «վարչական պատիժ 10-օրյա կալանքի տեսքով», ինչից հետո «կարտաքսվեն Ադրբեջանի տարածքից»
