02.11.2024 | 19:00
Ժողովրդին տալիս են հաց և հանդես ու քանդում են Երևանը, ուղեղները թամաշաներից մթագնել է. Տեր-Գաբրիելյան. ՏԵՍԱՆՅՈՒԹ
Լրագրող Միխայիլ Աֆանասևը դատապարտվել է 5,5 տարվա ազատազրկման՝ Ուկրաինայում պատերազմելուց հրաժարված «օմոնականների» մասին հոդվածի համար
Քաղաքականություն
07.09.2023 | 18:19
ՌԴ-ում Աբականի դատարանը 5 տարի 6 ամսվա ազատազրկման է դատապարտել «Новый фокус» տեղական հրատարակության հիմնադիր Միխայիլ Աֆանասևին՝ Խակասիայից 11 «օմոնականների» մասին հոդվածի, ովքեր հրաժարվել են պատերազմել Ուկրաինայում։ Աֆանասևը դարձել է առաջին ռուսաստանցի լրագրողը, որը դատապարտվել է «ծառայողական դիրքը կիրառելով» պատերազմի մասին «ֆեյքեր» տարածելու համար։ Նա մեղքը չի ընդունել, գրում է BBC-ի ռուսական ծառայությունը։
Դատարանը Աֆանասևին նաև արգելել է զբաղվել լրագրողական, խմբագրական կամ հրատարակչական գործունեությամբ գաղութից ազատվելուց հետո 2,5 տարվա ընթացքում։ Պաշտպանական կողմը մտադիր է բողոքարկել դատավճիռը։
Նշվում է, որ դատավճռի հրապարակման պահին դահլիճում տասից ավելի մարդ է եղել՝ տեղական մամուլը, հարազատները, ծանոթները և լրագրողի կուսակիցը՝ «Յաբլոկո» կուսակցության առաջնորդ Նիկոլայ Ռիբակովը։ Բոլորն ասել են՝ «Միշա՛, դիմացիր»։
Թե ինչպես է դատարանը հիմնավորել իր եզրակացությունները, հայտնի չէ. հրապարակվել են դատավճռի միայն ներածական և եզրափակիչ մասերը, ասել է փաստաբանը։
Դատարանը, ըստ փաստաբանի, որոշել է լրագրողին վերադարձնել գումարը, թղթերն ու նրա բոլոր սարքավորումները, որոնց հիշողության մեջ իրեղեն ապացույցներին ծանոթանալու պահին պահպանվել են աշխատանքային նյութեր։
