15.09.2026 | 21:45
Եվրոպան Հայաստանին ցույց տվեց, որ կարող է լինել հուսալի գործընկեր՝ ոչ միայն խոսքով․ Բոգդան Զդրոևսկին՝ ԵԽ-ում քվեարկության մասին
ԱԹՍ-ն ընկել է Դոնի Ռոստովում՝ Հարավային ռազմական օկրուգի շտաբի մոտ
Քաղաքականություն
07.09.2023 | 19:56
Գիշերը ՌԴ շրջանների վրա հարձակված երկու անօդաչու թռչող սարքերից մեկն ընկել է Դոնի Ռոստովի կենտրոնում՝ զգալի վնաս հասցնելով շենքերին, փոխանցում է BBC-ի ռուսական ծառայությունը։
Ռոստովի մարզի նահանգապետ Վասիլի Գոլուբևը հայտնել է, որ երկու անօդաչու թռչող սարք են խոցել հակաօդային պաշտպանության համակարգերով, «մեկն ընկել է քաղաքից դուրս՝ Ռոստովի արևմտյան մասում», երկրորդը՝ կենտրոնում՝ Պուշկինսկայա 42 փողոցի մոտ։ Այս հասցեում գտնվող շենքը Հարավային ռազմական օկրուգի շտաբի դիմաց է, որը գրավել էին «վագներականները» հունիսյան ապստամբության ժամանակ։
Նահանգապետը հայտնել է, որ անօդաչու թռչող սարքի ընկնելու հետևանքով մի քանի մեքենաներ են վնասվել։ Մեկ մարդ վիրավորվել է, սակայն հրաժարվել է հոսպիտալացումից:
