30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Կոնստանտինովկա քաղաքի ուղղությամբ ՌԴ հարվածները 16 մարդու կյանք են խլել
Քաղաքականություն
06.09.2023 | 19:43
Դոնեցկի մարզի Կոնստանտինովկա քաղաքի շուկայի վրա ռուսական հրետանու հարվածի հետևանքով զոհվել է 16, վիրավորվել՝ 31 մարդ։ Այս մասին հայտնել է Ուկրաինայի գլխավոր դատախազությունը։
Հրթիռակոծությունը տեղի է ունեցել տեղական ժամանակով 14։00-ին, գրում է BBC-ի ռուսական ծառայությունը։
«Արկերի արձակման հետևանքով հրդեհ է բռնկվել առևտրային տաղավարներում։ Ժամը 16:00-ի դրությամբ՝ զավթիչների հարձակումից զոհվել է 16 մարդ։ Եվս 31 մարդ տարբեր աստիճանի մարմնական վնասվածքներ է ստացել, քաղաքացիները շտապ բուժօգնություն են ստանում։ Նախնական տվյալներով՝ վնասվել է 20 խանութ, էլեկտրահաղորդման գծեր, գրասենյակային շենք և բնակելի շենքի 5-րդ հարկը։ Ամբողջությամբ այրվել են մարդատար ավտոմեքենաներ և 8 առևտրի օբյեկտ։ Ներկայում որոնողափրկարարական աշխատանքները շարունակվում են։ Փլատակների տակ դեռևս մարդիկ կան»,- հայտնել են Ուկրաինայի գլխավոր դատախազությունից։
