30.05.2026 | 23:02
ՊՍԺ-ն երկրորդ տարին անընդմեջ դարձավ Չեմպիոնների լիգայի հաղթող․ ՏԵՍԱՆՅՈՒԹ
Wildberries-ով այլևս «էժան» տարբերակով գնումներ չեն լինի․ ընկերությունը հայտարարում է, որ լուծել է տեխնիկական խնդիրը
Տնտեսություն
06.09.2023 | 17:37
Wildberries-ը լուծել է տեխնիկական խնդիրը, որի պատճառով ապրանքների կատալոգի մի մասը Հայաստանում վաճառվել է ավելի ցածր գնով։ Սխալը շտկվել է կայքում և ամենատարածված բջջային օպերացիոն համակարգերում: Այս մասին տեղեկացնում է ընկերությունը։
Նշվում է, որ աշխատանքները կավարտվեն մոտ ապագայում։
«Ընկերության համար կարևոր է տեղական բիզնեսի կարծիքը, և մեր ռազմավարության մեջ մենք միշտ ձգտում ենք հաշվի առնել տեղական համայնքների ցանկությունները և բարելավել մեր բիզնես գործընթացները՝ նրանց շահերին համապատասխան: Wildberries-ը շարունակում է իր հարթակը տրամադրել հայկական արտադրության ապրանքների վաճառքի համար։ Այսպիսով, 2023 թվականի հունվար-օգոստոսին Հայաստանից իրացվել է 4,5 մլրդ դրամի արտադրանք»,- մասնավորապես նշված է հաղորդագրության մեջ։
Հիշեցնենք, որ երեկ կառավարության շենքի առջև բողոքի ակցիա անցկացրած տնտեսվարողները պահանջել էին Պետական եկամուտների կոմիտեից արգելել ռուսական հասցե նշելով ավելի մատչելի տարբերակով Wildberries-ից գնումների հնարավորությունը, ինչի հետևանքով տեղական շուկայում իրենց ապրանքաշրջանառությունը վերջին շրջանում կտրուկ նվազել է։
Անժելա Պողոսյան
