20.06.2026 | 18:24
Իրանը կրկին փակել է Հորմուզի նեղուցը
ԱՆԻՖ խմբի համատեղ ընկերությունները 2023-ի 1-ին կիսամյակում վճարել են մոտ 2 միլիարդ ՀՀ դրամի հարկ
Տնտեսություն
06.09.2023 | 17:19
ԱՆԻՖ-ի 2023 թվականի առաջին կիսամյակի ֆինանսական արդյունքները
Հայաստանի պետական հետաքրքրությունների ֆոնդը՝ ԱՆԻՖ-ը, հրապարակում է 2023թ. առաջին կիսամյակի տվյալները ֆոնդի պորտֆելային ընկերությունների վճարած հարկերի և աշխատատեղերի վերաբերյալ․ տեղեկացնում են ԱՆԻՖ-ից։
ԱՆԻՖ խմբի համատեղ ընկերություններն այս տարվա առաջին կիսամյակում ընդհանուր առմամբ վճարել են մոտ 2 միլիարդ ՀՀ դրամի հարկ։
Միայն Ֆլայ Արնա ավիաընկերության վճարած հարկերն առաջին կիսամյակում կազմում են մոտ 814 մլն դրամ:
Պորտֆելային ընկերություններում, մեր համատեղ ծրագրերում, ընդգրկված է ավելի քան 650 աշխատող։
Հաշվի առնելով, որ մեր համատեղ ծրագրերի մեծ մասը մեկնարկել է երկու տարուց պակաս ժամանակահատվածում, այս արդյունքը համարում ենք ԱՆԻՖ-ի տնտեսական արդյունավետության առաջին շոշափելի արդյունքներից մեկը, ինչի համար շնորհակալ ենք նաև մեր բոլոր գործընկերներին, հայաստանյան և արտերկրյա ներդրողներին։
Ընդգծենք, որ նշված ցուցանիշներն արտացոլում են համատեղ նախաձեռնությունների արդյունքում ֆինանսավորված 15 առևտրային ընկերությունների տվյալներ և չեն ներառում «Հայաստանի պետական հետաքրքրությունների ֆոնդ» ՓԲԸ, «ԱՌՖԻ» ՓԲԸ և «Ձեռնարկատեր + պետություն հակաճգնաժամային ներդրումների կառավարիչ» ՓԲԸ վճարած հարկերն ու ստեղծած աշխատատեղերը:
