20.06.2026 | 19:55
Նյու Յորքում հրդեհ է բռնկվել պատմական հուշարձանի կարգավիճակ ունեցող եկեղեցում, փլուզվել է զանգակատունը
Սուրովիկինի մասին տեղեկությունն անհետացել է ՌԴ ՊՆ կայքից
Քաղաքականություն
06.09.2023 | 20:57
Ռուսաստանի Պաշտպանության նախարարության կայքից անհետացել է գեներալ Սերգեյ Սուրովիկինի կենսագրությունը։ Նախկինում նա կայքում նշված էր որպես ՌԴ զինված ուժերի գլխավոր հրամանատար՝ ցամաքային և ռազմածովային ուժերի գլխավոր հրամանատարների հետ միասին, գրում է Korrespondent-ը։
Ռուսաստանի Դաշնության ռազմատիեզերական զորքերի բաժնում նույնպես նախկին հրամանատարի մասին տեղեկություններ չկան։
Պաշտոնապես Սուրովիկինի՝ Ռուսաստանի Դաշնության Ռազմատիեզերական ուժերի հրամանատարի պաշտոնից հրաժարականի մասին չի հաղորդվել, օգոստոսին այս մասին լրատվամիջոցները հայտնել են սեփական աղբյուրներին հղումով։
Նախօրեին էլ The New York Times-ը, հղում անելով իր աղբյուրներին, հաղորդել էր, որ Սուրովիկինը, որը կալանավորվել էր «Վագների» ղեկավար Եվգենի Պրիգոժինի ապստամբությունից հետո, ազատ է արձակվել կալանքից։ Գեներալն ազատ է արձակվել Պրիգոժինի ավիավթարի հետևանքով մահանալուց մի քանի օր անց։
