30.05.2026 | 23:02
ՊՍԺ-ն երկրորդ տարին անընդմեջ դարձավ Չեմպիոնների լիգայի հաղթող․ ՏԵՍԱՆՅՈՒԹ
Աֆղանա-պակիստանյան սահմանին բախումներ են տեղի ունեցել
Քաղաքականություն
06.09.2023 | 16:45
Աֆղանստանի և Պակիստանի սահմանին զինված բախումներ են տեղի ունեցել պակիստանցի սահմանապահների և Թալիբանի անդամների միջև։ Միջադեպը տեղի է ունեցել Թորխամի անցակետի մոտ, զոհերի մասին տեղեկություններ չկան, հայտնում է Կոմերսանտը՝ հղում անելով տեղական ԶԼՄ-ներին։
Թորխամը համարվում է երկու երկրների սահմանի ամենաբանուկ անցակետը։ Ենթադրվում է, որ բախումների պատճառը աֆղանների կողմից ամրաշինական աշխատանքներ իրականացնելու փորձն է եղել։ Անցակետով տեղաշարժը դադարեցված է։
Օգոստոսին Պակիստանի իշխանությունները թալիբներին մեղադրեցին Աֆղանստանի սահմանամերձ Խայբեր Փախտունխվա նահանգում տեղի ունեցած ահաբեկչական հարձակման մեջ, որի հետևանքով զոհվեց ավելի քան 50 մարդ: Ի պատասխան Աֆղանստանի ներքին գործերի նախարարի պաշտոնակատար Սիրաջուդդին Հաքքանին հայտարարեց, որ թալիբների դեմ Պակիստանի իշխանությունների ցանկացած ագրեսիվ գործողության կհետևի «կոշտ պատասխան»։
