15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Կիևի իշխանությունները հայտնել են քաղաքի վրա հրթիռային հարձակման մասին
Քաղաքականություն
06.09.2023 | 12:52
Կիևի քաղաքային ռազմական վարչակազմի ղեկավար Սերգեյ Պոպկոն հայտնել է, որ Ուկրաինայի մայրաքաղաքը երեկ երեկոյան ենթարկվել է ռուսական հարձակման, որում կիրառվել են տարբեր տեսակի հրթիռներ՝ Х-101, Х-555, Х-55 և այլն, փոխանցում է BBC-ի ռուսական ծառայությունը։
Ըստ նախնական տվյալների՝ հրթիռներն արձակվել են Տու-95 МС ռազմավարական ինքնաթիռներից։ Պոպկոյի խոսքով՝ բոլոր թիրախները ոչնչացվել են հակաօդային պաշտպանության համակարգերի կողմից։
«Հակառակորդի հերթական հրթիռային հարձակումը խաղաղ քաղաքի վրա՝ խաղաղ բնակչությանը սպանելու և ենթակառուցվածքները ոչնչացնելու նպատակով։ Եվ կրկին հարձակումը ոչ թե պարզ է, այլ համակցված։ Հակառակորդի բոլոր թիրախները, որոնք շարժվում էին մայրաքաղաքի ուղղությամբ, ոչնչացվել են ՀՕՊ ուժերով և միջոցներով։ Այս պահի դրությամբ Կիևում զոհեր և ավերածություններ չկան»։
Ռուսական կողմը չի մեկնաբանել գիշերային հարձակումը։
