Օնլայն տաքսիները կմտնեն հարկային դաշտ, կտան ՀԴՄ․ նախագիծը քննարկվեց ԱԺ հանձնաժողովում․ ՏԵՍԱՆՅՈՒԹ

ՀՀ ԱԺ տնտեսական հարցերի մշտական հանձնաժողովի՝ սեպտեմբերի 5-ի նիստում քննարկվել է Կառավարության հեղինակած ««Ավտոմոբիլային տրանսպորտի մասին» օրենքում լրացումներ կատարելու մասին» եւ կից ներկայացված օրենքների նախագծերի փաթեթը:

Էլեկտրոնային հարթակով ուղևորափոխադրման ծառայությունն առաջարկվում է դարձնել ծանուցման ենթակա գործունեություն, որի համար սահմանվել է պետական տուրք՝ տարեկան մեկ միլիոն դրամ արժեքով: Այս մասին նշեց ՀՀ տարածքային կառավարման եւ ենթակառուցվածքների նախարարի տեղակալ Արմեն Սիմոնյանը:

Նրա խոսքով, գործող օրենսդրությամբ, բոլոր տեսակի թեթև մարդատար տրանսպորտային միջոցները պետք է լիցենզավորված լինեն առևտրային տաքսոմոտորային ուղևորափոխադրումներ կատարելու համար, բայց վերջին տարիներին մեծացել է օնլայն հարթակների միջոցով ուղևորափոխադրումներ կազմակերպելու գործընթացը: Այս ոլորտը մնացել է չկանոնակարգված, ուստի առաջարկվում է կանոնակարգել օնլայն հարթակներով ուղևորափոխադրման ծառայություն մատուցող կազմակերպությունների և վարորդների գործունեությունը:

Օնլայն տաքսիները կմտնեն հարկային դաշտ, կտան ՀԴՄ։

«2024թ. սեպտեմբերի 1-ից կանխիկ վճարումների դեպքում այն կկազմի 2 տոկոս, անկանխիկի դեպքում ՝ 1,5, յուրաքանչյուր ուղևորափոխադրման դեպքում: 2025թ. հունվարի 1-ից, համապատասխանաբար՝ 3,5 տոկոս և 2,5 տոկոս, իսկ 2026թ. 5 տոկոս՝ կանխիկի և 4 տոկոս անկանխիկ վճարումների դեպքում»,-նշեց Սիմոնյանը:

Մանրամասները՝ տեսանյութում։