07.10.2026 | 23:48
Արթուր Դանիելյանը կալանավորվեց
Ժոզեպ Բորելը սեպտեմբերի 7-ին Վրաստան կժամանի
Քաղաքականություն
05.09.2023 | 16:45
ԵՄ արտաքին քաղաքականության և անվտանգության հարցերով գերագույն հանձնակատար Ժոզեպ Բորելը սեպտեմբերի 7-8-ը այցով կլինի Վրաստանում։ Նովոստի Գրուզիայի հաղորդմամբ՝ հանդիպումներ են տեղի ունենալու Վրաստանի նախագահ Սալոմե Զուրաբիշվիլիի և վարչապետ Իրակլի Ղարիբաշվիլիի հետ։
Բորելը կհանդիպի նաև խորհրդարանական ընդդիմության և քաղաքացիական հասարակության ներկայացուցիչների հետ։
ԵՄ ներկայացուցչի այցը տեղի կունենա Վրաստանի նախագահի և կառավարության միջև եվրոպական շրջագայության հետ կապված կոնֆլիկտի ֆոնին. իշխող կուսակցությունը նրան մեղադրում է Սահմանադրությունը խախտելու մեջ և սկսում է իմպիչմենտի գործընթաց։
Եվրահանձնաժողովը ներկայումս ավարտում է Վրաստանի վերաբերյալ առաջարկությունները, որոնց հիման վրա Եվրոպական խորհուրդը որոշում կկայացնի դեկտեմբերին։ Վրաստանը թեկնածուի կարգավիճակ կստանա, եթե աջակցեն ԵՄ բոլոր 27 երկրների ղեկավարները։
