15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Պեսկովը հայտնել է, որ Պուտինն ու Էրդողանը որևէ կոնկրետ պայմանավորվածություններ ձեռք չեն բերել
Քաղաքականություն
05.09.2023 | 15:20
Սոչիում ՌԴ նախագահ Վլադիմիր Պուտինի ու Թուրքիայի նախագահ Ռեջեփ Թայիփ Էրդողանի բանակցությունների նպատակը դիրքորոշումների փոխանակումն էր, որևէ կոնկրետ պայմանավորվածություն ձեռք բերելու պլաններ չեն եղել։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՌԻԱ Նովոստին։
«Գրավոր փաստաթղթերում կամ այլ փաստաթղթերում որևէ արձանագրում չի նախատեսվում, երեկվա հանդիպման հիմնական նպատակը դիրքորոշումները համեմատելն էր մեր երկկողմ հարաբերությունների շատ հարուստ համալիրի վերաբերյալ, ինչպես նաև կարծիքներ փոխանակելը տարածաշրջանային հայտնի խնդիրների շուրջ և միմյանց դիրքորոշումները, ինչպես ասում են, առաջին ձեռքից միմյանց հասցնելը։ Այդ նպատակն իրականացավ, տեղի ունեցան շատ կառուցողական և արդյունավետ բանակցություններ, բայց դժվար թե հնարավոր էր որևէ կոնկրետ պայմանավորվածության հասնել»,- ասել է Պեսկովը լրագրողների հետ զրույցում։
Հիշեցնենք, որ Պուտինի և Էրդողանի բանակցությունները տեղի են ունեցել նախօրեին Սոչիում: Սա նրանց առաջին անձնական հանդիպումն էր գրեթե մեկ տարվա ընդմիջումից և Էրդողանի վերընտրվելուց հետո։ Երկու երկրների նախագահները քննարկել են հացահատիկային գործարքի շուրջ ստեղծված իրավիճակը, ինչպես նաև միջազգային, տարածաշրջանային օրակարգի տարբեր հարցեր։
Էմմա Չոբանյան
