30.05.2026 | 23:02
ՊՍԺ-ն երկրորդ տարին անընդմեջ դարձավ Չեմպիոնների լիգայի հաղթող․ ՏԵՍԱՆՅՈՒԹ
Սամվել Բալասանյանի որդին պաշտոն ստացավ
Քաղաքականություն
05.09.2023 | 13:41
Գյումրիի նախկին քաղաքապետ Սամվել Բալասանյանի որդին` գործարար Միսակ Բալասանյանը, Նիկոլ Փաշինյանի առաջարկով նշանակվել է Իրաքի Հանրապետությունում Հայաստանի Հանրապետության արտակարգ և լիազոր դեսպան։
Հրապարակվել է ՀՀ նախագահի հրամանագիրը։
Հիշեցնենք, որ այս տեղեկությունը դեռ երկու ամիս առաջ հրապարակել էր Factor TV-ն՝ հղում անելով դիվանագիտական իր աղբյուրներին։ Միսակ Բալասանյանը գործարար է։ Նա զբաղվում է Բալասանյաններին պատկանող «Գյումրի Գարեջուր» ընկերության կառավարմամբ։
2018 թվականին տեղի ունեցած հեղափոխությունից հետո ՊԵԿ-ը հայտնեց, որ Բալասանյաններին պատկանող այս ընկերությունը 2016-2017 թվականների ընթացքում 300 միլիոն ՀՀ դրամի չափով պակաս հարկեր է վճարել պետական բյուջե։ Այս բացահայտումից հետո Միսակ Բալասանյանի ընկերությունը վերականգնեց պետությանը պատճառված վնասները։
Բալասանյանը Նիկոլ Փաշինյանի ղեկավարած ՔՊ կուսակցության անդամ չէ։ Թե ինչ սկզբունքով է որոշվել նրան Իրաքում դեսպան նշանակել, առայժմ հայտնի չէ։
Նարեկ Կիրակոսյան
