07.10.2026 | 23:48
Արթուր Դանիելյանը կալանավորվեց
Պեսկովը չի հաստատել Պուտինի և Կիմ Չեն Ընի հանդիպման նախապատրաստման մասին տեղեկությունը
Քաղաքականություն
05.09.2023 | 15:55
Ռուսաստանի նախագահի մամուլի քարտուղար Դմիտրի Պեսկովը հայտարարել է, որ չի կարող հաստատել Հյուսիսային Կորեայի ղեկավար Կիմ Չեն Ընի՝ սեպտեմբերին Ռուսաստանի Դաշնություն այցելելու և նախագահ Վլադիմիր Պուտինի հետ հանդիպելու ծրագրերի մասին տեղեկությունը, գրում է Կոմերսանտը։
«Ո՛չ, չենք կարող։ Մենք ձեզ ոչինչ չունենք ասելու այս թեմայով»,- այսպես է Պեսկովը պատասխանել հարցին, թե կարո՞ղ է հաստատել ՌԴ նախագահի և Հյուսիսային Կորեայի ղեկավարի մոտալուտ հանդիպման մասին տեղեկությունը։
Այն, որ նախատեսված է Կիմ Չեն Ընի հանդիպումը Վլադիմիր Պուտինի հետ, հայտնել էր The New York Times-ը՝ վկայակոչելով սեփական աղբյուրներին։ Ըստ նրանց՝ Կիմ Չեն Ընը Փհենյանից, հավանաբար, զրահապատ գնացքով կմեկնի Վլադիվոստոկ, որտեղ ՌԴ նախագահի հետ միասին կմասնակցի սեպտեմբերի 10-ից 13-ը նախատեսված Արևելյան տնտեսական ֆորումին (ԵՏՀ)։
Հուլիսի վերջին ռուսական պատվիրակությունը՝ ՌԴ պաշտպանության նախարար Սերգեյ Շոյգուի գլխավորությամբ, այցելել էր ԿԺԴՀ։ Ռազմական գերատեսչության ղեկավարը Կիմ Չեն Ընի հետ մասնակցել էր Փհենյանում սպառազինության ցուցահանդեսի։ Ավելի ուշ Սերգեյ Շոյգուի հյուսիսկորեացի գործընկեր Կանգ Սուն Նամը հայտնել է, որ իշխանությունները հաստատել են երկրների միջև ռազմական-պաշտպանական համագործակցության զարգացման ծրագրերը։
