06.04.2026 | 19:10
Աշխարհի գավաթ․ Արթուր Դավթյանը՝ ոսկե մեդալակիր․ ՏԵՍԱՆՅՈՒԹ
Բայրամովը պնդում է, թե Հայաստանը խոչընդոտում է Բաքվի ու Արցախի հայերի երկխոսությանը
Քաղաքականություն
05.09.2023 | 12:10
Ադրբեջանի ԱԳ նախարար Ջեյհուն Բայրամովը Բուդապեշտ պաշտոնական այցի շրջանակներում ելույթ է ունեցել Հունգարիայի դիվանագիտական առաքելությունների ղեկավարների տարեկան համաժողովում ու մեղադրանքներ հնչեցրել Հայաստանի հասցեին։
Նա հայտարարել է, թե «Հայաստանը խոչընդոտում է Ադրբեջանի կենտրոնական իշխանությունների և Արցախի հայերի միջև երկխոսությանը»։ Բայրամովը դարձյալ պնդել է Ադրբեջանի ինքնիշխան տարածքներում ՀՀ ռազմական ներկայության կեղծ թեզը։ Ըստ նրա՝ դա էլ «հիմնական խոչընդոտն է միջպետական հարաբերությունների կարգավորման, նաևխոչընդոտում է Ադրբեջանի կենտրոնական իշխանությունների երկխոսությանը Ղարաբաղի տեղի հայերի հետ։
Բայրամովը հայտարարել է, որ Ադրբեջանը վճռական է «Ղարաբաղի տարածաշրջանում բնակվող հայկական ծագումով քաղաքացիներին ինտեգրելու իր քաղաքական, սոցիալական, տնտեսական տարածքին» ու շնորհակալություն է հայտնել Հունգարիային աջակցության համար։
