15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
ԱԺԲ անդամները պնդում են՝ «Նիկոլ, դավաճա՛ն» վանկարկման համար ՔՊ շտաբից հարձակվել են իրենց վրա
Քաղաքականություն
04.09.2023 | 19:09
«Ազգային ժողովրդական բևեռի մեր անդամներն առաջիկա հանրահավաքի մասին իրազեկում էին իրականանցնում Մալաթիա-Սեբաստիա վարչական շրջանում, երբ «Քաղաքացիական պայմանագիր» կուսակցության գրասենյակից դուրս եկան մարդիկ ու հարձակվեցին մերոնց վրա»,- FactorTV-ի հետ զրույցում պատմեց ԱԺԲ մամուլի քարտուղար Հերմինե Մկրտչյանը։ Հարցին՝ իրենց կողմից որևէ վանկարկում եղե՞լ է ՔՊ-ի հասցեին, Մկրտչյանը դրական պատասխան տվեց.
«Վանկարկել են ճշմարտությունը՝ «Նիկո՛լ, դավաճա՛ն, նրանք էլ հարձակվել են, սկսել հայհոյել ու քաշքշել ԱԺԲ անդամներին, ընդհուպ՝ կանանց»։
Դեպքի վայր են ժամանել նաև Ներքին գործերի նախարարության ոստիկանության աշխատակիցները, որոնք, Մկրտչյանի խոսքով, ՔՊ անդամներին բերման ենթարկելու փոխարեն սկսել են քաշքշել ԱԺԲ-ի ակտիվիստներին:
«Հաղորդում դեռևս չենք ներկայացրել, հնարավոր է՝ չտանք էլ, քանի որ, եթե ոստիկանները գալիս են ու բռնության ենթարկվողներին են փորձում բաժին տանել, էլ ուր ներկայացնենք, խայտառակություն է ուղղակի»,- նշեց Մկրտչյանը։
Factor.am-ը փորձեց պարզաբանում ստանալ նաև իշխող ուժի գրասենյակից և Ոստիկանությունից, սակայն, մեր զանգերն անպատասխան մնացին։
Ռոզա Վարդանյան
