30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
ՄԱԿ-ը դեռևս չի գտել Ուկրաինայում ցեղասպանության ապացույցներ
Քաղաքականություն
04.09.2023 | 21:59
Ուկրաինայում տեղի ունեցած խախտումների հետաքննության ՄԱԿ-ի միջազգային հանձնաժողովն առայժմ «բավարար ապացույցներ չունի», որ երկրում ցեղասպանություն է տեղի ունենում։ Այս մասին հայտարարել է Ուկրաինայում խախտումների հետաքննության ՄԱԿ-ի անկախ միջազգային հանձնաժողովի ղեկավար Էրիկ Մյոսեն Կիևում կայացած մամուլի ասուլիսում, գրում է korrespondent-ը։
«Այս փուլում մենք դեռ չենք եկել այն եզրակացության, որ (Ուկրաինայում – խմբ.) ցեղասպանություն է տեղի ունենում»,- ասել է Մյոսեն։
Նրա խոսքով՝ հանձնաժողովը չունի բավարար ապացույցներ Ցեղասպանության կոնվենցիայի իրավական որակավորումներին համապատասխանելու համար։
«Մենք քաջ գիտակցում ենք այս հանցագործության մտահոգությունն ու նախատինքը, ուստի քայլ առ քայլ ուսումնասիրելու ենք։ Հիշում եք, որ այն դիտավորության հարց է, հանցագործների դիտավորության։ Պետք է լինի որոշակի խմբի ոչնչացման «պահանջ»։ Իսկ նման ոչնչացումը, ըստ Կոնվենցիայի, պետք է լինի ֆիզիկական կամ կենսաբանական։ Սրանք այն խիստ պայմաններն են (ցեղասպանության ճանաչման համար – խմբ.), որոնք հաստատված են դատական պրակտիկայով»,- ասել է ՄԱԿ-ի հանձնաժողովի ղեկավարը։
Միաժամանակ, Մյոսեն հավելել է, որ Ուկրաինայում հետաքննությունը կշարունակվի։
